Social Antzokia berritzeko lanetan eman den atzerapenagatik azaroa eta abendurako prestatuta genituen ikuskizunak eten egin dira. Hilabete hauetarako prestatuta genituen ikuskizunak berriro ere programatuko ditugu: Orfeon Donostiarra & B.O.S, Faemino y Cansado, Victor Manuel, Txirri, Mirri eta Txiribiton (Junior), Beatriz Carvajal & Magüi Mira eta Pinocho, el musical. Oraindik ez ditugu egun berriak jarri, baina honi buruzko informazio zehatza jakin bezain laster berriro ere zuekin harremanetan jarriko gara. Los Modernos konpainia argentinarraren “Fo” antzerki lana ezin izango dugu berriro ere programatu, konpainia honek egiten duen bira abenduan bukatzen delako. Konpainia eta artista hauek eskertu nahi ditugu ikuskizunen antzezpen egunak aldatzeko izan duten jarrera onagatik.

Antzokiko txartel leihatilan erositako sarreren zenbatekoa Social Antzokiko bulegoan bueltatuko da urriaren 26.tik aurrera, 11:00-14:00 ordu bitartean. Sarrera aurkeztea ezinbestekoa izango da. BBK-ren kutxazainetan, web orrian edo telefono zenbakian eskuratutako sarreren zenbatekoa sarrerak erosteko erabilitako txartelaren kontu korrontean sartuko da zuzenean.

Bide batez, Kultur Basauri Fundazioak egindako lanean jarritako konfidantza eskertu nahi dizugu eta hemendik gutxira, Social Antzokiak izango duen programazio berriari buruzko informazio zehatza jasoko duzu.